نظام التدريب الشهر الاول مخصص لعلاج السمنة
مرحبا,
مثل ما وعدناكم, ال6 اشهر القادمة حنوفر برامج غذائية و رياضية للاشخاص المبتدئين جدا و الذين يعانون من السمنة (المفرطة). الي حيبدي ويانا من يوم الاثنين القادم المصادف 30-05-2020, حيتبع هذا البرنامج و كل نهاية شهر حنزل برنامج جديد كخطوة ثانية و ثالثة…الخ. اي متابع جديد خلال الاشهر القادمة ننصحه انه يبلش من الشهر الاول و كل شهر ينتقل للشهر التالي.
الهدف من هذه التمارين هو تنقيص الوزن بصورة صحية و صحيحة من خلال اتباع نظام تدريبي و غذائي متكامل و متنوع و هذا يعني الحفاظ على كمية العضل باكبر شكل ممكن, تقليل نسبة الاصابات الجسدية, تقوية الجسم و تحسين اللياقة البدنية و زيادة المرونة, تقليل الاوجاع الشائعة و المصاحبة لقلة الحركة و زيادة الوزن و التوازن و الاعتدال بالطعام مع تناول غذاء صحي متنوع.
الهدف هو الصحة ثم الصحة ثم الصحة ثم مظهر الجسم! لذلك هذا البرنامج هو ليس حل سحري سريع و سهل للتخلص من السمنة و انما تغيير لنمط حياتك الحالي بشكل ايجابي جذري و لكن بالتدريج. هالشيئ حيساعدك على الالتزام على المدى البعيد للحصول على اكبر الفوائد.
كتحفيز و متابعة اكثر, اريد اكبر عدد ممكن من الاشخاص الي حيتبعون هذا النظام ويبلشون من يوم الاثنين القادم يكتبون وزنهم ببداية الشهر او ياخذون صورة لوزنهم عالميزان و يرجعون يسوون نفس الشيئ بنهاية الشهر و يدزولي الصورتين او الوزنين (خزونهم عدكم لنهاية الشهر). حشارك الوزن بدون اي اسم او معلومات شخصية على الستوري حتى مو بس احنا نشجعكم و انما انتوا تشجعون بعض. اكتبولنا اقتراحات لاسم لهذه الفقرة. راح نعلن تاريخ تجميع هذه الصور قبل كم يوم عالستوري حتى نفتح الرسائل لتخزينهم عدنا مرة وحدة بالشهر.
طبعا حنكون وياكم عالستوريات باستمرار لتوفير نصائح عملية فخليكم متابعينا عالانستاجرام يوميا!
للذهاب للنظام الغذائي اضغط هنا:
نظام غذائي لعلاج السمنة المفرطة
للذهاب لنظام التدريب لعلاج السمنة اضغط هنا:
نظام التدريب للمبتدئين جدا و اللذين يعانون من السمنة
الرابطين للتمارين الي تكلمت عنهم بنظام التدريب هم:
تحياتنا و تمنياتنا لكم بالنجاح و الموفقية بهذا المشوار الصعب لكن الممتع,
رند و ورد
بروهيلث 365
شكرا واكيد اشارك وياكم عاشت ايدج
Ok
عاشت ايدكم انشالله استمر وياكم
موفقين حبيباتي …شكرا على مجهودكم الرائع
شكرا جزيلاً لنشركم هاي المعلومات الحلوه ان شاء الله راح التزم وياكم وابلشش شجعتوني وخليتوا عندي واهس
الله يحفظكم احبكم ثنينكم وحتى مفن همينه احبه ❤️
حنين 🌹 البصره
شكراً على هذا النظام
شكرا لوجودكم بحياتي نعمة گدرت اباوع الى ابعد من شكل جسمي وهو حبي لنفسي وصحتي اهم
مرحبا
عاشت ايديكم النظام كلش حلو بس عندي ملاحظه ليش العشا أكثر من الغدا يعني اني ما احب اتعشى أكثر المرات
اعتقد راح ابدل العشا مكان الغدا ماكو مشكله صح ؟؟
Well done
هل يوجد يوم فري؟
اودو انظمام الكم
والدي لديه سمنة مفرطة و سوه عملية تكميم معدة قبل ثلاث سنوات و هسه وزنه١٠٧ اريد اسويله دايت بس هو عنده مشكلة السكر ينزل عنده فجأة الى مستويات تخلي يرجف و ضروري يتناول الحلويات علمود يصعد شلون
بارک الله بیکم
اللّه يوفقكم .. ان شاء اللّه متابعيكم على جميع المواقع
مرحبا بنات طبعا كلش نشكركم على المجهود الي دا تبذلوا وخاصة انتوا اصلا عدكم اشغال اخرى الله يوفقكم يارب. حبيبتي اني حامل باقي ٣ اسابيع على عمليتي القيصرية حابة كلش ابدي وياكم راح اشتغل على الاكدر عليه ويارب اتوفق.
شكررررراً راح ابلشششش وياااكم اني وزني 66 وطولي 160 بس لياقتي ضعيفة اريد احسنها لوو بس تدروون شكد احبكم ربي يوفقكم ويحفظكم ومن اعلى لاعلى يااا رب
بوركتم
شكرا جزيلا ❤️❤️😘
شكراً من القلب كبيره جدا بحجم عطائكم..
يصير هذا الجدول للي عدهم سمنة لكن ليست مفرطة وإنما سمنة اعتيادية
شكرا الكم ولتعبكم ولجهدكم الله يوفقكم بكل خطوة بحياتكم يا رب ، اني هسه حتى توفرت الي الفرصة افوت وانزل البرامج وان شاء الله رح اطبعهه علمود اهلي اني متأكدة رح يتسفادون وكلي ثقة. شكرا الكم مرة ثانية ❤❤